Qashqadaryo viloyati Kasbi tumanida fermer xo‘jaligi rahbari imtiyozli kredit mablag‘ini o‘zlashtirgani aniqlandi. Bu haqda Iqtisodiy jinoyatlarga qarshi kurashish departamenti xabar berdi.
Bosh prokuratura huzuridagi departamentning Kasbi tumani bo‘limi tomonidan tergovga qadar tekshiruv o‘tkazilgan. Unda “B.O.” fermer xo‘jaligi rahbari Z.F. aholiga qishloq xo‘jaligi mahsulotlarini yetkazib berishda ta’minotchi sifatida 245 million so‘m imtiyozli kredit olib, mahsulotlar yetkazib berilgani to‘g‘risidagi hujjatlarni qalbakilashtirib, imtiyozli kredit mablag‘ini o‘zlashtirish yo‘li bilan talon-toroj qilgani aniqlangan.
Holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish) va 228-moddasi (hujjatlar, shtamplar, muhrlar, blankalar tayyorlash, ularni qalbakilashtirish, sotish yoki ulardan foydalanish) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)