O‘zbekistonlik yakkakurashchi Mahmud Murodov (25-7) navbatdagi jangini UFC 280 turnirida o‘tkazadi.
Abu-Dabida bo‘lib o‘tadigan musobaqada Murodovga braziliyalik Kayo Borralyo raqiblik qiladi. Bu haqida sportchining o‘zi Instagram sahifasida ma’lum qildi.
UFC 280 turniri 22 oktabr kuni bo‘lib o‘tadi.
Turnirning asosiy janggi yengil vazn toifasidagi Islom Maxachev va Charlz Oliveyra o‘rtasida kechadi. Yengil vazn toifasida sobiq UFC chempioni Pyotr Yan ham ushbu turnirda amerikalik Shon O’Melliga qarshi oktagonga chiqadi. Shuningdek, MMA jangchisi Zubayra Tuxugov Lukas Almeyda qarshi jang qiladi.
Avvalroq Mahmudning Parij shahrida o‘tkaziladigan UFC Fight Night musobaqasidagi Abusufyon “Abus” Magomedovga qarshi jangi bekor qilingani xabar qilingandi.
Eslatib o‘tamiz, Murodov oxirgi jangini 2021-yilning avgust oyida Jerald Mirshertga (33-14) qarshi o‘tkazib, UFC’dagi ilk mag‘lubiyatini qabul qilib olgandi.
Ma’lumot uchun, Murodov UFC’dagi debyut jangida italiyalik Alessio di Kirikoni (13-5) ochkolar hisobiga ko‘ra, ikkinchi jangida Trevor Smit (15-10), uchinchisida esa Endyu Sanchesni (12-6) nokaut evaziga mag‘lubiyatga uchratgandi.
Izoh (0)