Italiya A Seriyasining 2022/23-yilgi mavsumiga yo‘llanmani qo‘lga kiritgan “Monsa” klubi Eldor Shomurodovga qiziqish bildirmoqda, deya xabar qilmoqda Italiyaning qator nashrlari.
“Monsa” sport direktori Filippo Antonelli Agomeri mazkur xabarlar yuzasidan berilgan savolga izoh berib o‘tdi.
“Shomurodov kuchli futbolchi, u bizga yoqadi. Biroq hozircha shuni ayta olamiz”, — degan Agomeri “Chempionat” bilan bo‘lgan suhbatda.
Avvalroq Eldor Shomurodov “Roma”ning Isroildagi yig‘iniga olib ketilmagani va rimliklar safini tark etishga yaqin turgani xabar qilingandi. 27 yoshli futbolchiga “Torino” va “Bolonya” klublari qiziqish bildirayotgani ma’lum qilingandi.
Shomurodov 2021-yilning yozgi transfer oynasida 18 million yevro evaziga “Jenoa”dan “Roma”ga o‘tgandi. U “bo‘rilar”safida jami 40 ta o‘yin o‘tkazib, beshta gol va oltita golli uzatma amalga oshirdi.
Italiyaning sobiq bosh vaziri va “Milan”ning sobiq rahbari Silvio Berluskoniga tegishli jamoa 2021/22-yilgi mavsum yakunlariga ko‘ra, Italiyaning yuqori divizioniga yo‘llanmani qo‘lga kiritdi.
Izoh (0)