Mahmud Murodovning UFC’dagi navbatdagi jangi bekor bo‘ldi
O‘zbekistonlik yakkakurashchi Mahmud Murodov (25-7) UFC’dagi beshinchi jangini 2022-yilning 3-sentabrida asli dog‘istonlik bo‘lgan Germaniya vakili Abusufyon “Abus” Magomedovga qarshi o‘tkazishi kerak edi.
Fransiyaning Parij shahrida o‘tkaziladigan UFC Fight Night musobaqasi doirasida Abusufyon Dastin Stolfsfusga qarshi oktagonga ko'tariladi.
Mahmudovning o‘zi bu xabarni tasdiqladi. Uning aytishicha, jang bo‘lmasligiga asosiy sabab — hujjatlar masalasi.
Eslatib o‘tamiz, Murodov oxirgi jangini 2021-yilning avgust oyida Jerald Mirshertga (33-14) qarshi o‘tkazib, UFC’dagi ilk mag‘lubiyatini qabul qilib olgandi.
Ma’lumot uchun, Murodov UFC’dagi debyut jangida italiyalik Alessio di Kirikoni (13-5) ochkolar hisobiga ko‘ra, ikkinchi jangida Trevor Smit (15-10), uchinchisida esa Endyu Sanchesni (12-6) nokaut evaziga mag‘lubiyatga uchratgandi.
