“Arsenal” yarim himoyachisi Tomas Parti jinsiy zo‘ravonlik mojarosiga aralashib qoldi, deya xabar beradi Pulse Nigeria.
Ismi oshkor etilishini xohlamagan qiz ijtimoiy tarmoqlarning birida Parti bilan yozishmalarini e’lon qilib, u bilan bog‘liq vaziyat haqida gapirdi:
“Tomas Parti — seriyali zo‘ravon, uning omadi kelgan. Chunki Buyuk Britaniya qonunchiligida mahalliy politsiya kuchlariga Buyuk Britaniyadan tashqarida sodir etilgan jinoyatlarni tergov qilishiga ruxsat beruvchi o‘zgartirishlar kiritilishidan 10 kun oldin u meni zo‘rlagan edi.
U meni zo‘rlab, yotoqda hushsiz holda qoldirdi, keyin Ibitsadagi ziyofatga ketdi. Qaytgach esa yuzimga qarab kuldi va uni rad eta olmasligimni aytdi”.
Shu bilan birga jabrlanuvchi ilgari “Arsenal” futbolchisi bilan munosabatda bo‘lganini tasdiqlab, u yuborgan videoxabarlarni ko‘rsatgan. Qiz voqea bir necha oy oldin sodir bo‘lgani va u boshidan kechirganlarini oshkor qilmagani uchun pul olganini ta’kidlagan.
O‘z navbatida, u adolat qaror topishiga ishonishini bildirgan. Futbolchi esa o‘ziga qo‘yilayotgan ayblovlarga munosabat bildirmayapti.
Avvalroq Partining turmush o‘rtog‘i, marokashlik model Sara Bella ham uni zo‘ravonlikda ayblagan edi. OAV xabarlariga ko‘ra, bunga Tomas turmush qurish taklifini bermagani sabab bo‘lgan.
Izoh (0)