Rossiya Yevropa Ittifoqi va AQSH texnologiyalariga Xitoy texnologiyalaridan olti barobar ko‘proq qaram. Bu haqda Yevropa Ittifoqining tashqi ishlar va xavfsizlik siyosati bo‘yicha oliy vakili Jozep Borrel Yaponiyaning Yomiuri gazetasiga bergan intervyusida aytib o‘tdi.
Sanksiyalarning Rossiya iqtisodiyotiga ta’siri haqida so‘ralganda, Yevropa diplomatiyasi rahbari buni tasdiqladi.
“Rossiya juda ko‘p xomashyo eksport qiladi, lekin uning o‘zi ishlab chiqarmaydigan ko‘plab yuqori qo‘shimcha qiymatli mahsulotlarni import qilishdan boshqa iloji yo‘q”, — dedi YI rasmiysi.
Borrel Rossiyaning Yevropadan texnologiya importiga qaramligi 45 foiz, AQSHdan 21 foiz va Xitoydan faqat 11 foiz deb baholadi.
Rossiya tomoni Yevropa o‘zining energiya manbalariga qaramligi tufayli sanksiyalar qo‘llashga jur’at eta olmaydi, deb o‘ylab noto‘g‘ri hisob-kitob qilgan, dedi Borrel.
Fevral oyi oxirida Ukrainada Rossiya bosqini boshlanganidan so‘ng, YI Rossiyaga qarshi oltita sanksiyalar paketini joriy qildi. Ularga jumladan qisman neft embargosi, Markaziy bank aktivlarini muzlatish, moliyaviy operatsiyalarni taqiqlash, bir qator shaxslarga nisbatan sohaviy cheklovlar va sanksiyalarni o‘z ichiga oladi.
Bundan tashqari, Yevropa Ittifoqi Rossiyaga “harbiy va texnologik salohiyatni yaxshilash”ga hissa qo‘shishi mumkin bo‘lgan uskunalar yetkazib berishga embargoni kengaytirdi.
Izoh (0)