Italiyada o‘tgan sutka davomida 132 274 kishida koronavirus qayd etildi, 94 nafar bemor infeksiyada vafot etdi, deb xabar bermoqda ANSA Italiya Sog‘liqni saqlash vazirligiga tayanib.
Taqqoslash uchun 4-iyul kuni 36 282 kishida COVID-19 holati aniqlangan, 59 kishi vafot etgan. Shu bilan birga, koronavirus uchun topshirilgan testlarning musbat natijasi foizi deyarli o‘zgarmagan — 28,4 foizga nisbatan 27,9 foiz.
Italiyada oxirgi marta fevral oyida koronavirus bilan kunlik kasallanganlar soni 100 mingdan oshgan edi.
Italiyada hozirgi kunda 1 087 272 kishi COVID-19 dan davolanmoqda. Pandemiya boshlangandan beri jami 18 938 771 kishi infeksiya bilan kasallangan, vafot etganlar soni 168 698 nafarga yetgan.
Fransiyada 5-iyul kuni COVID-19 bilan kasallanishning kunlik o‘sishi 200 mingdan oshgani xabar qilingandi. Shuningdek, Buyuk Britaniya, Belgiyada ham koronavirus bilan kasallanishning ortishi kuzatilmoqda.
Butun dunyoda koronavirus yuqtirganlarning umumiy soni 5-iyul kuni 550 million kishidan oshdi.
Mavzuga doir: Olmaotada koronavirus tufayli niqob rejimi qaytarildi
Izoh (0)