Turkiyada dam olayotgan sayyohlar o‘zlarini akuladan shvabra yordamida himoya qildi, deb yozadi Tengrinews.
Hodisa Turkiya janubi-g‘arbidagi Marmaris kurorti sohillarida yuz berdi. Internetda tarqalib ketgan videoda akula plyajga suzib kelganini va u yerda dam olayotgan odamlarga yaqin kelganini ko‘rish mumkin. Sayyohlardan biri polyuvgichni olib, akulani quva boshlagan va uning boshiga bir necha marta urgan.
Kadrlarda akulaning suzgichi va dumini ko‘rish mumkin. Ammo Marmaris hukumati u akula bo‘lmaganini ma’lum qildi.
“Plyajda sayyohlar ko‘rib, akula deb o‘ylagan baliq aslida O‘rtayer dengizi sargani bo‘lgan. Mutaxassislar fikricha, u bezarar jonivor. Shuning uchun ham cho‘milishga borganda o‘zingiz bilan shvabra olishingiz kerak emas”, — deyiladi bayonotda.
Ta’kidlanishicha, O‘rtayer dengizida akulalarning 47 ta turi yashaydi. Ularning qariyb 20 tasi yirik hajmda bo‘lsa, 15 tasi nazariy jihatdan odamga zarar yetkazishi mumkin.
Eslatib o‘tamiz, 3-iyul kuni Misrning Xurgada kurort shahrida akula sayyohga hujum qilgan edi. Voqea Saxl-Xashish kurorti yaqinida yuz bergan. Oqibatda ayol qo‘li va oyog‘idan ayrilgan. U kasalxonada vafot etgan. Keyinroq Misr Atrof-muhit vazirligi yana bir ayolning o‘limi haqida e’lon qildi. Shundan keyin Misr hukumati ikki sayyohning akula hujumi oqibatida halok bo‘lishi ortidan Qizil dengiz sohilidagi bir nechta plyajlarni yopdi.
Izoh (0)