Slavyanskka qilingan hujum oqibatlari. Xarkov yaqinidagi okoplar. Urushning 132-kunidan fotoreportaj
5-iyul kuni Finlyandiya va Shvetsiya NATOga a’zo bo‘lish to‘g‘risidagi protokollarni imzoladi. Ukraina armiyasi Lisichanskni tark etdi, endi Ukrainaning butun Lugansk viloyati Rossiya qo‘shinlari nazorati ostida. Rossiya Ukraina shaharlarini o‘qqa tutishda davom etmoqda. Meduza urushning 132-kunidan asosiy fotosuratlarni taqdim etdi.
Donbass shimoli
Svetlana turmush o‘rtog‘i Sergey bilan tez yordam mashinasida. Sergey rus qo‘shinlari tomonidan Slavyanskning ommaviy o‘qqa tutilishidan jarohat olgan. Ukraina qo‘shinlari Lisichanskdan olib chiqib ketilganidan va Ukrainaning Lugansk viloyati Rossiya nazorati ostiga o‘tgandan so‘ng, Slavyansk Rossiya armiyasining navbatdagi nishoniga aylanishi mumkin.Foto: Reuters
Svetlana Sergey olib kelingan favqulodda yordam bo‘limi eshigida yig‘lamoqda.Foto: Reuters
Ukraina o‘t o‘chiruvchilari Slavyansk markaziy bozoridagi yong‘inni o‘chirmoqda. Rossiyaning o‘qqa tutishlaridan, mahalliy hokimiyat ma’lumotlariga ko‘ra, kamida ikki fuqaro halok bo‘lgan, yana yetti nafari yaralangan.Foto: AFP
Rossiya hujumidan yaralangan slavyansklik kishi.Foto: Reuters
Ukraina qo‘shinlari 4-iyul kuni shaharni tark etdi. Hozirda butun Severodonetsk — Lisichansk — Rubijnoye shahar aglomeratsiyasi Rossiya qurolli kuchlari tomonidan ishg‘ol qilingan.Foto: “TASS”
Lisichanskda istiqomat qiluvchi kishi bino vayronalari oldida ilingan choyshablarni olmoqda.Foto: Reuters
Xarkov viloyati
Xarkovning Saltovka tumanida Rossiya o‘qlaridan ko‘p qavatli turar joy vayron bo‘ldi. Shahar Belgorod tomondan ham raketa zarbalariga uchradi.Foto: AP Photo
Ukraina Qurolli kuchlari askarlari Xarkov viloyatidagi okoplarni mustahkamlamoqda.Foto: AFP
Ukraina harbiylari Xarkov viloyatida mudofaa chizig‘ini qurmoqda.Foto: AFP
Kiyev viloyati
Irpen aholisi va qochqinlar cherkov binosida non uchun navbatda turibdi. Kiyevning bu chekkasi Belarusdan poytaxtga qarab harakatlangan bir guruh rus qo‘shinlarining yo‘lida edi. Irpen qisman rus armiyasi tomonidan bosib olingan. Shahar doimiy ravishda rossiyaliklar tomonidan artilleriyadan o‘qqa tutilgan. 28-mart kuni Irpen hokimiyati shahar to‘liq ozod qilinganini e’lon qildi.Foto: EPA
Buchadagi qirg‘in qurbonlari xotirasiga Irpen daryosi ustidagi vayron qilingan ko‘prikda vaqtinchalik yodgorlik o‘rnatildi. Kiyevning bu chekkasi rus bosqinining boshidan mart oyining oxirigacha ishg‘ol ostida bo‘ldi. Rossiya harbiylari Kiyevdan chekinganidan so‘ng, Buchada o‘ldirilgan mahalliy aholining jasadlari topildi, ularning aksariyatida qiynoq izlari bor edi. Turli guvohlik va tergovlar shuni ko‘rsatadiki, bu qotilliklar Buchani bosib olgan paytda rus harbiylari tomonidan sodir etilgan.Foto: EPA
Izoh (0)