Россия Европа Иттифоқи ва АҚШ технологияларига Хитой технологияларидан олти баробар кўпроқ қарам. Бу ҳақда Европа Иттифоқининг ташқи ишлар ва хавфсизлик сиёсати бўйича олий вакили Жозеп Боррел Япониянинг Yomiuri газетасига берган интервьюсида айтиб ўтди.
Санкцияларнинг Россия иқтисодиётига таъсири ҳақида сўралганда, Европа дипломатияси раҳбари буни тасдиқлади.
«Россия жуда кўп хом ашё экспорт қилади, лекин унинг ўзи ишлаб чиқармайдиган кўплаб юқори қўшимча қийматли маҳсулотларни импорт қилишдан бошқа иложи йўқ», — деди ЕИ расмийси.
Боррел Россиянинг Европадан технология импортига қарамлиги 45 фоиз, АҚШдан 21 фоиз ва Хитойдан фақат 11 фоиз деб баҳолади.
Россия томони Европа ўзининг энергия манбаларига қарамлиги туфайли санкциялар қўллашга журъат эта олмайди, деб ўйлаб нотўғри ҳисоб-китоб қилган, деди Боррел.
Февраль ойи охирида Украинада Россия босқини бошланганидан сўнг, ЕИ Россияга қарши олтита санкциялар пакетини жорий қилди. Уларга жумладан қисман нефть эмбаргоси, Марказий банк активларини музлатиш, молиявий операцияларни тақиқлаш, бир қатор шахсларга нисбатан соҳавий чекловлар ва санкцияларни ўз ичига олади.
Бундан ташқари, Европа Иттифоқи Россияга «ҳарбий ва технологик салоҳиятни яхшилаш»га ҳисса қўшиши мумкин бўлган ускуналар етказиб беришга эмбаргони кенгайтирди.
Мавзуга доир: Буюк Британия Беларусдан қурол импорт қилишни тақиқлади
Изоҳ (0)