29-iyun kuni Turkmanistonning eng issiq nuqtasi – Repetekda (Turkmanoboddan 50 km janubi-g‘arbdagi cho‘lda joylashgan) havo harorati 48,5 darajaga yetdi. Bu mamlakat meteostansiyalari tomonidan qayd etilgan joriy yildagi maksimal harorat, deya xabar beradi “Meteojurnal”.
Bu Turkmanistondagi oxirgi anomal issiq yilda qayd etilgan maksimal haroratdan atigi 0,1 darajaga kam.
Shu bilan birga, bu harorat Repetek uchun rekord emas, ilgari bu erda 50 darajadan yuqori issiqlik qayd etilgan.
Biroq ob-havoni kuzatishning butun vaqti uchun maksimal issiqlik Turkmanobod shahrida qayd etildi, u yerda 29-iyun kuni termometr ko‘rsatkichi 46,4 darajagacha ko‘tarildi.
Turkmennews nashriga ko‘ra, issiq havo tez-tez elektr ta’minotida uzilishlarga olib kelyapti. Eskirgan infratuzilma issiq kunlarda konditsionerlardan faol foydalanishga bardosh bera olmaydi, deyiladi xabarda. Lebap viloyatining Farob va Dyanevskiy tumanlarida elektr har kuni besh-olti soat davomida o‘chiriladi. Dashoguzda kunlik o‘chirish davomiyligi ikki soatdan besh soatgacha davom etadi. Mari viloyatining, Murg‘ob va O‘g‘uzxon tumanlaridan ham elektr energiyasi tez-tez o‘chiriladi.
Elektr ta’minotidagi uzilishlar natijasida elektr nasoslari ishlamay qolib, Forob tumanining ayrim qishloqlari aholisi suvsiz qolmoqda va qo‘shni aholi punktlaridan suv olib kelishga majbur bo‘lmoqda.
Shuningdek, xabarlarga ko‘ra, jazirama tufayli Lebop viloyatidagi bir qancha harbiy qismlar 26-iyunga belgilangan qasamyod qabul qilish marosimini 3-iyulga ko‘chirgan.
Rekord haroratga qaramay, 29-iyun kuni mamlakatda sobiq prezident Gurbanguli Berdimuhamedov tavalludining 65 yilligi nishonlanayotganida Turkmanoboddagi davlat va budjet muassasalari xodimlari, shu jumladan, politsiyachilar bayramona kiyim kiyishga majburlanib, shahar bog‘laridagi bayram konsertlariga qo‘shimcha odam sifatida jo‘natilgan, deya xabar beradi nashr muxbirlari.
Izoh (0)