Davlat statistika qo‘mitasi O‘zbekistonning 2022-yil yanvar-may oylariga ko‘ra sanoat ishlab chiqarishi haqida ma’lumot berdi.
Unga ko‘ra yil boshidan beri O‘zbekistondagi kompaniyalar tomonidan 196,9 trln so‘mlik sanoat mahsulotlari ishlab chiqarilgan. Bu o‘tgan yilning shu davriga qaraganda 6 foizga ko‘proq.
Sanoat tarkibida eng katta ulush ishlab chiqarish hissasiga to‘g‘ri kelib, 161,8 trln so‘m yoki 82,2 foizni tashkil etdi.
Ishlab chiqariladigan sanoat tarkibida yuqori texnologiyali tarmoqning ulushi o‘tgan yilga nisbatan 0,3 foizga kamayib 2,2 foiz bo‘lgan. Bu sohada o‘rta-yuqori texnologiyalar 23,2 foizni tashkil qilgan bo‘lsa, quyi texnologiyalar 38,3 foiz bo‘lgan.
May oyining o‘zida 42,6 trln so‘mlik sanoat mahsulotlari ishlab chiqarilgan.
Avvalroq O‘zbekistonning 2022-yilning birinchi besh oyidagi iqtisodiy holati ma’lum bo‘lgan edi.
Izoh (0)