Navoiy birinchi, Surxondaryo oxirgi — qaysi viloyat aholi jon boshiga ko‘proq sanoat mahsulotlarini ishlab chiqarmoqda?

Davlat statistika qo‘mitasi O‘zbekistonning 2022-yil yanvar—may oylariga ko‘ra sanoat ishlab chiqarishi haqida ma’lumot berdi.

Unga ko‘ra, hududlar kesimida sanoat ishlab chiqarishining jami hajmidagi eng yuqori ulushi Toshkent shahriga to‘g‘ri kelib, 18,2 foizni, shuningdek, Toshkent viloyati 17,7 foizni hamda Navoiy viloyati esa 17,5 foizni  tashkil etdi.

Sanoat ishlab chiqarishda eng kam ko‘rsatkichni Surxondaryo, Sirdaryo va Jizzax viloyatlari qayd etdi. 

O‘zbekistonda aholi jon boshiga sanoat mahsulotlarini ishlab chiqarish 5,5 mln so‘mdan to‘g‘ri kelmoqda. Bu borada eng yuqori ko‘rsatkich sanot korxonalarining ko‘pligi sababli Navoiy viloyatida bo‘lmoqda — kishi boshiga 33,1 mln so‘m. 

Keyingi pog‘onalarda Toshkent shahri (12,4 mln so‘m) va Toshkent viloyati (11,8 mln so‘m) ko‘rsatilgan.  

Bu borada eng past ko‘rsatkich Surxondaryo (819 ming so‘m), Namangan (2 mln so‘m) va Qashqadaryoda (2,2 mln so‘m) qayd etilgan.

Avvalroq O‘zbekistonning 2022-yil birinchi besh oyidagi iqtisodiy holati ma’lum bo‘lgandi.