Fransiya Rossiya gazini import qilishni to‘xtatdi

17-iyun kuni Fransiya endilikda Rossiya gazini quvurlar orqali qabul qilmasligini ma’lum qildi. Bu haqda “Kommersant” xabar berdi.

15-iyundan boshlab Fransiya va Germaniya o‘rtasida gaz oqimi to‘xtatildi, — deyiladi Fransiyaning GRTGaz kompaniyasi bayonotida.

So‘nggi kunlarda “Gazprom” Yevropa mamlakatlariga, xususan, “Shimoliy oqim 1” gaz quvuri orqali Germaniyaga gaz yetkazib berishni sezilarli darajada kamaytirdi, bu esa Fransiyaga eksportni to‘xtashiga olib kelishi mumkin.

Biroq Fransiyadagi omborxonalar 56 foiz gaz bilan to‘lganligi sabab GRTGaz xavotirlanmaslikka chaqirdi. Kompaniya qishga tayyorgarlik ko‘rish uchun ularni to‘ldirishni davom ettiradi.

Germaniyadan oqimlarning kamayishi Ispaniyadan importning ko‘payishi va LNG terminallari, asosan, metan quvvatlarining oshishi bilan qoplanadi.

“Gazprom” uskunalar bilan bog‘liq muammolar tufayli “Shimoliy oqim” orqali Yevropaga gaz yetkazib berishni to‘xtatmoqda.

Germaniya hukumati ta’minotning qisqarishi texnik muammolarga emas, balki siyosiy sabablarga ko‘ra, deb hisoblamoqda.

Ushbu yangilik fonida Yevropada gaz narxi oshib bormoqda. 16-iyun kuni savdo ochilishida ular aprel boshidan beri birinchi marta 1450 dollardan oshdi.

Avvalroq Yevropa issiqlik va elektr energiyasining yuqori narxlariga qanday ko‘nikayotgani haqida xabar berilgan edi.