Rossiyaning Ukrainaga bostirib kirishi qishloq xo‘jaligiga deyarli 4,3 mlrd dollar zarar yetkazdi. Bu haqda Kiyev Iqtisodiyot maktabi agromarkazi tomonidan olib borilgan yangi tadqiqotda ma’lumot berildi.
Tadqiqotga ko‘ra, dunyo urush tufayli kuchaygan global oziq-ovqat inqiroziga duch kelishda davom etmoqda.
Urush 2,1 mlrd dollarlik qishloq xo‘jaligi yerlari va yig‘ilmagan kuzgi ekinlar hamda 926 mln dollarlik texnikani vayron qilgan.
Chorva mollariga 136 mln dollar va omborxonalarga 272 mln dollar zarar yetkazilgan.
Urush Ukrainaning qishloq xo‘jaligi mahsulotlarini eksport qilish qobiliyatiga ta’sir ko‘rsatdi.
Dunyo bo‘ylab yiliga 400 mln odamni boqish maqsadida Ukraina global oziq-ovqat yetkazib beruvchi rolini tiklash uchun kurashadi, — dedi Kiyev Iqtisodiyot instituti tadqiqot markazidan Roman Neyter.
Ukraina iqtisodiyoti urushdan ko‘rgan zarar tufayli 45 foizga sekinlashdi, butun dunyo bo‘ylab millionlab odamlar oziq-ovqat tanqisligiga duch kelmoqda.
Katta ko‘rsatkich
2,4 mln gektar — urush tufayli shuncha qishki ekinlar yig‘ib olinmay qolishi mumkin, bu taxminan 1,4 mlrd dollarga teng.
Ukraina dunyoni bir qancha qishloq xo‘jalik mahsulotlari bilan ta’minlashda katta rol o‘ynaydi: Mamlakat bug‘doy eksporti bo‘yicha dunyoda beshinchi, makkajo‘xori eksporti bo‘yicha to‘rtinchi va kungaboqar yog‘ining eng yirik eksportchisi hisoblanadi.
Birlashgan Millatlar Tashkiloti ma’lumotlariga ko‘ra, Ukraina Rossiya blokadalari tufayli urush boshida port faoliyatini to‘xtatib qo‘ygan, mamlakatda 20 mln tonnaga yaqin yig‘ib olingan don qolib ketgan.
May oyida Ukrainaning don eksporti o‘tgan yilning shu davriga nisbatan 64 foizga kamaygan. Kiyev Iqtisodiyot maktabining hisob-kitoblariga ko‘ra, o‘tgan oyda Rossiyaning bostirib kirishi oqibatida Ukraina jami 600 mlrd dollar va uning infratuzilmasi esa 92 mlrd dollar zarar yetkazgan.
Izoh (0)