AQSH ko‘proq don eksport qilish va global oziq-ovqat inqirozining oldini olish maqsadida Ukraina chegarasida, shu jumladan, Polshada vaqtinchalik siloslar qurish rejasini ma’lum qildi. Bu haqda The Guardian xabar berdi.
Silos — don saqlanadigan yerto‘la.
Fevral oyi oxirida urush boshlanganidan buyon dunyodagi beshinchi yirik bug‘doy eksportchisi — Ukrainada taxminan 20 mln tonna g‘alla qolib ketdi, bu ba’zi mamlakatlarda ocharchilik xavfini keltirib chiqardi.
Rossiya Ukrainaning Qora dengiz portlarini qamal qildi. Ular atrofidagi suvlar esa minalar bilan to‘ldirgan.
Shu tufayli yuk tashishni qayta boshlashga urinishlar muvaffaqiyatsizlikka uchradi va 84 ga yaqin xorijiy kema Ukraina portlarida qolib ketdi, ularning ko‘pchiligida don bor.
Ukraina g‘allasini qutqarish bo‘yicha diplomatik sa’y-harakatlar muvaffaqiyatsizlikka uchramoqda, chunki don ishonchsiz avtomobil yoki temiryo‘l orqali emas, balki dengiz orqali tashilgan.
Endilikda AQSH g‘allani Vashington temiryo‘li orqali olib chiqish rejasini ishlab chiqmoqda, biroq Ukraina temiryo‘llari Yevropadagidan farqli — bir oz kengroq — shuning uchun donni chegarada boshqa poyezdlarga o‘tkazish kerak bo‘ladi.
Shunday qilib, biz Ukraina chegaralarida, shu jumladan, Polshada ham vaqtinchalik siloslar quramiz, — dedi AQSH prezidenti Jo Bayden.
Avvalroq BMT Ukraina g‘allasi bo‘yicha muzokaralar to‘xtagani sababli ochlik xavfidan ogohlantirgan edi.
Izoh (0)