Россиянинг Украинага бостириб кириши қишлоқ хўжалигига деярли 4,3 млрд доллар зарар етказди. Бу ҳақда Киев Иқтисодиёт мактаби агромаркази томонидан олиб борилган янги тадқиқотда маълумот берилди.
Тадқиқотга кўра, дунё уруш туфайли кучайган глобал озиқ-овқат инқирозига дуч келишда давом этмоқда.
Уруш 2,1 млрд долларлик қишлоқ хўжалиги ерлари ва йиғилмаган кузги экинлар ҳамда 926 млн долларлик техникани вайрон қилган.
Чорва молларига 136 млн доллар ва омборхоналарга 272 млн доллар зарар етказилган.
Уруш Украинанинг қишлоқ хўжалиги маҳсулотларини экспорт қилиш қобилиятига таъсир кўрсатди.
Дунё бўйлаб йилига 400 млн одамни боқиш мақсадида Украина глобал озиқ-овқат етказиб берувчи ролини тиклаш учун курашади, — деди Киев Иқтисодиёт институти тадқиқот марказидан Роман Нейтер.
Украина иқтисодиёти урушдан кўрган зарар туфайли 45 фоизга секинлашди, бутун дунё бўйлаб миллионлаб одамлар озиқ-овқат танқислигига дуч келмоқда.
Катта кўрсаткич
2,4 млн гектар — уруш туфайли шунча қишки экинлар йиғиб олинмай қолиши мумкин, бу тахминан 1,4 млрд долларга тенг.
Украина дунёни бир қанча қишлоқ хўжалик маҳсулотлари билан таъминлашда катта рол ўйнайди: Мамлакат буғдой экспорти бўйича дунёда бешинчи, маккажўхори экспорти бўйича тўртинчи ва кунгабоқар ёғининг энг йирик экспортчиси ҳисобланади.
Бирлашган Миллатлар Ташкилоти маълумотларига кўра, Украина Россия блокадалари туфайли уруш бошида порт фаолиятини тўхтатиб қўйган, мамлакатда 20 млн тоннага яқин йиғиб олинган дон қолиб кетган.
Май ойида Украинанинг дон экспорти ўтган йилнинг шу даврига нисбатан 64 фоизга камайган. Киев Иқтисодиёт мактабининг ҳисоб-китобларига кўра, ўтган ойда Россиянинг бостириб кириши оқибатида Украина жами 600 млрд доллар ва унинг инфратузилмаси эса 92 млрд доллар зарар етказган.
Изоҳ (0)