Janubiy Koreya yuk mashinalari ishlab chiqarish va global ta’minot zanjirlarida jiddiy uzilishlarga olib kelgan sakkiz kunlik ish tashlashni yakunladi. Bu haqda “Kommersant” xabar bermoqda.
Rasmiylar yuk tashuvchilar kasaba uyushmasi bilan eng kam ish haqi kafolatlari bo‘yicha kelishuvga erishdi. Ish tashlashga yonilg‘i narxining keskin o‘sishi sabab bo‘lgan.
Janubiy Koreya Savdo, sanoat va energetika vazirligining hisob-kitoblariga ko‘ra, ish tashlashning dastlabki olti kunida 1,2 milliard dollar zarar yetkazilgan.
Ish tashlashning yakunlanishi ishlab chiqarish va yetkazib berish, jumladan sement, po‘lat, neft-kimyo mahsulotlari, shuningdek, materiallarni qayta tiklashga imkon berdi.
Investorlar ishlab chiqarish va yetkazib berishning qayta tiklanishiga ijobiy munosabatda bo‘lishdi.
Ish tashlash tugagandan keyin Hyundai Motor aksiyalari 4,4 foizga qimmatlashdi. Kompaniya “Ulsandagi zavodda ish normallashtirilgani” va ishlab chiqarishning uzilishidan iste’molchilarga noqulayliklarni minimallashtirish bo‘yicha ishlarni davom ettirishini e’lon qildi.
Reuters so‘rovi o‘tkazgan tahlilchilarning hisob-kitoblariga ko‘ra, ish tashlash 5 mingga yaqin Hyundai Motor va Kia Motors avtomobillarini ishlab chiqarishga ta’sir qilgan.
Po‘lat ishlab chiqaruvchi POSCO ish tashlash tufayli Janubiy Koreyadagi ba’zi zavodlarida ishni to‘xtatishga majbur bo‘ldi.
Izoh (0)