Rossiya neftini tashuvchi kemalarni sug‘urtalashni taqiqlash mamlakatga kuniga yuz minglab barrel neftni Hindiston va Xitoydagi boshqa xaridorlarga yo‘naltirishni qiyinlashtiradi va bu jahon neft narxining yanada oshishiga olib kelishi mumkin. Bu haqda CNN xabar berdi.
Vaziyatning sug‘urta tomoniga yo‘naltirish — bu Rossiya neft oqimlarini to‘xtatishning eng yaxshi usuli, — dedi Kpler kompaniyasining yetakchi neft tahlilchisi Matt Smit.
Yevropa Ittifoqi kompaniyalariga olti oylik o‘tish davridan so‘ng Rossiya neftini uchinchi tomon mamlakatlariga tashishni sug‘urtalash va moliyalashtirish ta’qiqlanishini e’lon qildi.
Buyuk Britaniya Yevropaning sa’y-harakatlariga qo‘shilishi kutilmoqda. Bu vizalarni yanada kuchaytiradi, chunki Londondagi Lloyd’s asrlar davomida dengiz sug‘urtasi bozorining markazida bo‘lib kelgan.
Hozircha Rossiya Yevropaga eksport hajmining pasayishi zarbasini boshqa mijozlarni keskin chegirmalar bilan jalb qilish orqali yumshata oldi. Ammo agar kemalar eksport uchun zarur bo‘lgan sug‘urtani ololmasa, yaqin kelajakda vaziyat ancha qiyinlashadi.
Rossiya kemalari uchun sug‘urtalash bo‘yicha cheklovlar juda muhim. Cheklov barcha rus barrellarini Yevropadan boshqa joylarga, xususan, Xitoy va Hindistonga yo‘naltirib bo‘lmaydi, deb taxmin qilishimizning asosiy sababi, — dedi S&P ta’minot va ishlab chiqarish tahlili rahbari Shin Kim.
Xitoy va Hindiston omili
Yevropa Ittifoqining Rossiya neftini dengiz orqali jo‘natishini taqiqlashi bosqichma-bosqich amalga oshirilmoqda. Ammo yevropalik mijozlar qiyin logistika va obro‘ga putur yetkazmaslikni istab, allaqachon undan voz kechmoqda.
Kpler ma’lumotlariga ko‘ra, Shimoli-G‘arbiy Yevropaga eksport yanvar oyidagi kuniga 1,08 mln barreldan may oyida kuniga 325 ming barrelgacha qisqardi. Ammo Osiyoga eksportning o‘sishi bu yo‘qotishlarning katta qismini qoplashga yordam berdi.
Xitoy va Hindiston katta narxlardagi chegirmalardan foydalangan holda, may oyida kuniga taxminan 938 ming barrel neft import qildi. Yanvar oyida bu ikki davlatdan import kuniga atigi 170,8 ming barrelni tashkil etgan.
Sug‘urta qurol sifatida
Sug‘urtalanmagan kemalar hech qanday yirik portga kirishi, Bosfor yoki Suvaysh kanali kabi muhim yuk tashish nuqtalaridan o‘tishi mumkin emas, — deb yozadi Germaniyada energetika bo‘yicha tahlilchi Sergey Vakulenko.
Rossiya nazariy jihatdan an’anaviy sug‘urta qoplamasi o‘rniga qo‘llanilishi mumkin bo‘lgan davlat kafolatlariga tayanib, yangi qoidalarni chetlab o‘tishga va’da berdi. Davlat nazoratidagi Rossiya milliy qayta sug‘urta kompaniyasi endi Rossiya kemalarining asosiy qayta sug‘urtalovchisi hisoblanadi.
Bu muammoni hal qilish mumkin. Yetkazib berishni sug‘urtalash masalasi uchinchi davlatlar bilan tuzilgan xalqaro shartnomalar doirasida davlat kafolatlari orqali yopilishi mumkin, — dedi Rossiya Xavfsizlik kengashi raisi o‘rinbosari Dmitriy Medvedev.
Medvedevga ko‘ra, Rossiya har doim mas’uliyatli va ishonchli sherik bo‘lib kelgan va bundan buyon ham shunday bo‘lib qoladi.
Avvalroq Rossiyaning Osiyoga neft eksporti misli ko‘rilmagan darajada ko‘paygani haqida xabar berilgandi.
Izoh (0)