O‘zbekistonning 2022-yilning birinchi besh oyidagi iqtisodiy holati ma’lum bo‘ldi

Davlat statistika qo‘mitasi 2022-yilning yanvar—may oylarida O‘zbekistonning iqtisodiy holati haqida ma’lumot berdi.

Unga ko‘ra, yil boshidan beri sanoat ishlab chiqarish jismoniy hajmi 6 foizga oshgan. O‘tgan yilning ayni shu vaqtida 8,2 foizlik o‘sish kuzatilgan edi. Iste’mol narxlari aprel oyiga nisbatan 1 foizga ko‘tarilgan. 

Chakana savdo tovar aylanmasi yanvar—may oylarida 10,1 foizga yuqorilagan. Qurilish ishlari hajmi esa 6,2 foizga o‘sgan. O‘tgan yili bu ko‘rsatkich bo‘yicha 5,1 foizlik pasayish kuzatilgan edi. Bu asosan koronavirusga bo‘lgan cheklovlar olib tashlangani bilan izohlanadi.

Bozor xizmatlarining hajmi yil boshidan beri 15,8 foizga yuqoriladi. 

O‘zbekistondagi korxona va tashkilotlar soni 555 mingtaga yaqinlashdi. O‘tgan yilning ayni shu paytida ularning soni 508 mingta edi. 

Yanvar—may oylariga ko‘ra O‘zbekistonning tashqi savdo aylanmasi 37,4 foizga o‘sdi. Bunda eksport va importning ulushi mos ravishda 45,5 foiz va 32,3 foiz bo‘ldi.

Avvalroq butun dunyo bo‘ylab iqtisodiy o‘sish sekinlashayotgani haqida xabar berilgan edi.