Samarqand viloyati Samarqand shahri Beruniy ko‘chasidagi bo‘sh turgan mehmonxona kimoshdi savdosiga qo‘yildi. Lot ma’lumotlari “E-auksion” portalida e’lon qilingan.
Lot izohida yozilishicha, mehmonxona bo‘lib-bo‘lib to‘lash sharti bilan sotilganda dastlabki to‘lov summasi 35 foizdan kam bo‘lgan holatlarda, qolgan summaga Markaziy bankning asosiy stavkasi miqdorida yillik foizlar hisoblanadi.
Yer uchastkasining umumiy maydoni — 0,16 gektar. Binoning maydoni — 1 095 kvadrat metr.
Auksionga qo‘yilgan mehmonxonaning boshlang‘ich bahosi — 16 mlrd so‘m. Arizalar 13-iyul 09:00 ga qadar qabul qilinadi. Savdolar xuddi shu kuni 10:00 da boshlanadi.
Avvalroq “Darxon”dagi ikki qavatli binoning bir qismi qariyb 25 mlrd so‘mga auksionga qo‘yilgani haqida xabar berilgan edi.
Izoh (0)