1-iyun holatiga ko‘ra, O‘zbekistonda turk kapitali ishtirokidagi 2013 ta kompaniya faoliyat yuritmoqda. Bu haqda Davlat statistika qo‘mitasi ma’lumotlarida qayd etildi.
Birinchi o‘rinda Rossiya — 2565 ta kompaniya. Turkiya ikkinchi o‘ringa ko‘tarildi (2013), Xitoy uchinchi o‘ringa tushdi (2003).
2022-yilning yanvar—iyun oyida turk tadbirkorlari O‘zbekistonda 151 ta yangi korxonalarini ochdi.
Jadal o‘sish 2021-yilda, turk kapitali ishtirokidagi 407 ta yangi korxona tashkil etilganda, boshlangan.
Nima uchun Turkiya O‘zbekistonda shunchalik faol?
Turk tadbirkorlarining so‘zlariga ko‘ra, so‘nggi yillardagi Turkiya iqtisodiyoti yuzaga kelgan inqiroz tufayli qiyinchiliklarni boshdan kechirmoqda, tadbirkorlar esa ushbu holatni boshqa bozorlarga chiqish orqali qoplashni rejalashtirishmoqda.
Turkiya valyutasi ketma-ket 10 yil davomida pasayib bormoqda. Yaqinda mamlakatda yillik inflyatsiya 74 foizga yetdi. Taqqoslash uchun, O‘zbekistonda bu ko‘rsatkich 11-12 foiz atrofida.
Avvalroq Turkiyada inflyatsiya oxirgi 23 yildagi eng yuqori darajaga yetgani haqida xabar berilgandi.
Izoh (0)