Avvalroq Rossiya endilikda Yevropa va AQSHga gazni faqatgina rublda sotishi haqida xabar berilgan edi.
Yevropa kompaniyalari bu talabni bajarayotgani sababli rubl yevroga nisbatan so‘nggi yetti yildagi eng yuqori darajaga ko‘tarildi. Bu haqda Bloomberg xabar berdi.
Rubl yevroga nisbatan 9 foizga oshib, 2015-yil iyunidan beri eng baland darajaga yetdi. Dollarga nisbatan esa deyarli 5 foizga oshdi.
Bu yil Rossiya valyutasi dunyodagi ushbu har ikkala valyutaga nisbatan eng yaxshi natijalarni ko‘rsatdi.
Kapital nazorati, importning qulashi va energiya narxining oshishi rublni deyarli uch oy oldingiga qaraganda 20 foizga kuchliroq qildi.
Bundan tashqari, “Gazprom”ning ko‘plab xorijiy mijozlari Rossiya talablarini bajarib, konvertatsiya qilish uchun mablag‘larni o‘tkazishga “Gazprombank”da valyuta va rubl hisob raqamlarini ochishmoqda.
Dollar va yevroga bosim kuchayadi, chunki gaz xaridorlari ko‘proq maxsus hisob raqamlarini ochadi, — dedi Rossiya fond bozori operatsiyalari bo‘limi rahbari Jorj Vaschenko.“Sberbank CIB” valyuta va kurslar bo‘yicha strategi Yuriy Popov sentabr boshida rubl bir dollar uchun 50 ga yetishi mumkinligini taxmin qilmoqda.
Yangi mexanizmga ko‘ra, Rossiya gaz quvurlari importchilari yoqilg‘i uchun to‘lovlarni amalga oshirish uchun “Gazprombank”da ikkita hisob ochishi kerak.
“Gazprom”ning 50 dan ortiq xorijiy mijozlarining qariyb yarmi allaqachon bunday hisoblarni ochgan, — dedi bosh vazir o‘rinbosari Aleksandr Novak.Avvalroq Rossiya gaz uchun to‘lovni rublda talab qilgani uchun sudga tortilayotgani haqida xabar berilgan edi.
Izoh (0)