Aprel oyida Yaponiyada yillik inflyatsiya 2,5 foizni tashkil etdi. Bu haqda 20-may kuni Yaponiya statistika boshqarmasi tomonidan e’lon qilindi.
Bu 2015-yildan beri rekord ko‘rsatkichdir. Oziq-ovqat mahsulotlari narxlarining mavsumiy tebranishlarini hisobga olmagan asosiy iste’mol narxlari indeksi 2,1 foizga oshdi.
O‘sishning asosiy qismi energiya narxining oshishi hisobiga yuzaga keldi. Narxlar yetkazib berishni hisobga olmaganda, 0,8 foizga oshdi.
Yaponiyadagi inflyatsiya boshqa rivojlangan mamlakatlardagi narxlar o‘sishidan hamon ancha orqada hisoblanadi. Taqqoslash uchun, aprel oyida AQSHda yillik inflyatsiya 8,3 foizga yetdi.
Yapon kompaniyalari odatda foydalanuvchi narxlarini oshirmasdan xarajatlarni kamaytirishga harakat qiladi.
Yaponiya banki tomonidan belgilangan inflyatsiya maqsadi 2 foizni tashkil qiladi.
O‘zbekistonda 2022-yilning aprel oyi yakunlari bo‘yicha yillik inflyatsiya darajasi 10,4 foizni, oziq-ovqat mahsulotlari inflyatsiyasi esa 13,4 foizni tashkil etgan.
Izoh (0)