Gaz narxi oshib borayotgan bir paytda Rossiya bu yil Yevropadan rekord darajadagi 100 mlrd dollar eksport daromadi olishi mumkin, bu o‘tgan yilgidan deyarli ikki baravar ko‘p. Les Echos nashri tahlilchilar ma’lumotlarini o‘rganib shunday xulosaga keldi.
Nashrga ko‘ra, Yevropa Ittifoqi davlatlari sanksiyalar, baland ovozda bayonotlar va embargo va’dalariga qaramay, har kuni “Gazprom”ga 200 mln dollar jo‘natadi.
Narxlarning oshishi tufayli Rossiya bu yil Yevropaga yetkazib berilayotgan gaz uchun 100 mlrd dollar olishi kerak. Bu o‘tmishdagi narxlardan deyarli ikki baravar ko‘p. Neft, ko‘mir va boshqa xomashyodan olinadigan daromadlar hisobga olinmagan, — deydi Les Echos.Agar G‘arb davlatlari kamroq gaz sotib olsa, narxlarning oshishi yetkazib berishning kichikroq hajmini qoplaydi. Shuning uchun Rossiya energiya urushining birinchi bosqichida g'alaba qozondi, deyiladi nashrda
Embargo bilan tahdid qilinib, lekin hech qanday chora ko‘rilmadi. Yevropaliklar tuzoqqa tushib qolishdi va Vladimir Putin bu vaziyatda ustunlikni qo‘lga kiritmoqda, — deb yozadi Les Echos sharhlovchisi.Avvalroq Yevropa Rossiya gazini sanksiyalarni buzmasdan sotib olish rejasini ishlab chiqqani haqida xabar berilgan edi.
Izoh (0)