Аввалроқ Россия эндиликда Европа ва АҚШга газни фақатгина рублда сотиши ҳақида хабар берилган эди.
Европа компаниялари бу талабни бажараётгани сабабли рубль еврога нисбатан сўнгги етти йилдаги энг юқори даражага кўтарилди. Бу ҳақда Bloomberg хабар берди.
Рубль еврога нисбатан 9 фоизга ошиб, 2015 йил июнидан бери энг баланд даражага етди. Долларга нисбатан эса деярли 5 фоизга ошди.
Бу йил Россия валютаси дунёдаги ушбу ҳар иккала валютага нисбатан энг яхши натижаларни кўрсатди.
Капитал назорати, импортнинг қулаши ва энергия нархининг ошиши рублни деярли уч ой олдингига қараганда 20 фоизга кучлироқ қилди.
Бундан ташқари, «Газпром»нинг кўплаб хорижий мижозлари Россия талабларини бажариб, конвертация қилиш учун маблағларни ўтказишга «Газпромбанк»да валюта ва рубль ҳисоб рақамларини очишмоқда.
Доллар ва еврога босим кучаяди, чунки газ харидорлари кўпроқ махсус ҳисоб рақамларини очади, — деди Россия фонд бозори операциялари бўлими раҳбари Жорж Васченко.«Sberbank CIV» валюта ва курслар бўйича стратеги Юрий Попов сентябрь бошида рубль бир доллар учун 50 га етиши мумкинлигини тахмин қилмоқда.
Янги механизмга кўра, Россия газ қувурлари импортчилари ёқилғи учун тўловларни амалга ошириш учун «Газпромбанк»да иккита ҳисоб очиши керак.
«Газпром»нинг 50 дан ортиқ хорижий мижозларининг қарийб ярми аллақачон бундай ҳисобларни очган, — деди бош вазир ўринбосари Александр Новак.Аввалроқ Россия газ учун тўловни рублда талаб қилгани учун судга тортилаётгани ҳақида хабар берилган эди.
Изоҳ (0)