“Chelsi” himoyachisi Antonio Ryudiger mavsum so‘ngida jamoani tark etadi. Buni jamoa bosh murabbiyi Tomas Tuxel tasdiqladi.
Bu haqida OAVda juda ko‘p xabarlar chiqmoqda. Vaziyat shunday: mavsum oxirida u jamoani tark etmoqchi. Men Antonio bilan gaplashdim va u buni tan oldi.Antonio Ryudiger 2017-yil yozida “Roma”dan “Chelsi” safiga o‘tgan edi. “Aristokratlar” himoyachi uchun rimliklarga 35 million yevro to‘lab bergan. Germaniyalik futbolchi londonliklar safida Angliya Kubogi, Yevropa Ligasi, Chempionlar Ligasi, UEFA Superkubogi va Klublar o‘rtasidagi Jahon Chempionatida zafar quchgan.Klub ham, men ham qo‘ldan kelgan barcha ishni qildik, u bilan uchrashuvlar o‘tkazdik, muzokaralar olib bordik, ammo sanksiyalar tufayli barchasi behuda ketdi. Sanksiyalar bo‘lmaganda, biz kurashni davom ettirardik, lekin bizning qo‘limizni bog‘lab qo‘yishdi. Biz futbolchini yo‘qotmadik, Ryudigerning o‘zi qaror qabul qildi.
Antonio — muhim futbolchi va mavsum oxiriga qadar shunday bo‘ladi. Albatta, bundan xafa bo‘ldim, jamoa uni sog‘inadi. Ryudiger biz bilan bo‘lgan vaqtda, kiyim almashtirish xonasida barchani ruhlantiradi. Raqiblar ham undan qo‘rqadi, uning jangovar xislati sheriklariga ham ta’sir qiladi va u 50—55 o‘yin shunday ko‘tarinki ruhda o‘ynab bera oladi.
Men uchun u oxirgi bir yarim yilning eng yaxshi himoyachisi. Endi esa uning o‘rnini to‘ldira oladigan boshqa futbolchi izlashimiz lozim.
Tomas Tuxel, “Chelsi” bosh murabbiyi
Izoh (0)