“Manchester Yunayted” hujumchisi Krishtianu Ronaldu “Arsenal”ga qarshi bahsda (1:3) o‘z hisobiga gol yozdirib qo‘ydi.
Hujumchi APLdagi gollari sonini 100 taga yetkazdi. Portugaliyalik APL va La Ligada 100 va undan ortiq gol urgan ilk futbolchiga aylandi. Ronaldu Ispaniya chempionatida 292 ta o‘yinda ishtirok etib, 311 ta gol urgan, Premyer Ligada esa 223 o‘yinda 100 ta golga mualliflik qildi.
Krishtianu 2003/04-yilgi mavsumdan buyon top-5 chempionatlarning ikkitasida 100 va undan ortiq gol urgan to‘rtinchi futbolchiga aylandi. Bunga qadar Edinson Kavani (Liga 1, A Seriya), Gonsalo Iguain (La Liga, A Seriya) va Zlatan Ibrahimovich (Liga 1, A Seriya) ushbu natijani qayd etgan.
Shuningdek, Ronaldu “Manchester Yunayted” safida APLda 100 ta gol urgan to‘rtinchi futbolchi bo‘ldi. “Qizil iblislar” tarixida Rayan Giggz (107), Pol Skoulz (109) va Ueyn Runi (183) APLda yuzlik dovonni zabt etgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)