«Челси» ҳимоячиси Антонио Рюдигер мавсум сўнгида жамоани тарк этади. Буни жамоа бош мураббийи Томас Тухель тасдиқлади.
Бу ҳақида ОАВда жуда кўп хабарлар чиқмоқда. Вазият шундай: мавсум охирида у жамоани тарк этмоқчи. Мен Антонио билан гаплашдим ва у буни тан олди.Антонио Рюдигер 2017 йил ёзида «Рома»дан «Челси» сафига ўтган эди. «Аристократлар» ҳимоячи учун римликларга 35 миллион евро тўлаб берган. Германиялик футболчи лондонликлар сафида Англия Кубоги, Европа Лигаси, Чемпионлар Лигаси, УЕФА Суперкубоги ва Клублар ўртасидаги Жаҳон Чемпионатида зафар қучган.Клуб ҳам, мен ҳам қўлдан келган барча ишни қилдик, у билан учрашувлар ўтказдик, музокаралар олиб бордик, аммо санкциялар туфайли барчаси беҳуда кетди. Санкциялар бўлмаганда, биз курашни давом эттирардик, лекин бизнинг қўлимизни боғлаб қўйишди. Биз футболчини йўқотмадик, Рюдигернинг ўзи қарор қабул қилди.
Антонио — муҳим футболчи ва мавсум охирига қадар шундай бўлади. Албатта, бундан хафа бўлдим, жамоа уни соғинади. Рюдигер биз билан бўлган вақтда, кийим алмаштириш хонасида барчани руҳлантиради. Рақиблар ҳам ундан қўрқади, унинг жанговар хислати шерикларига ҳам таъсир қилади ва у 50—55 ўйин шундай кўтаринки руҳда ўйнаб бера олади.
Мен учун у охирги бир ярим йилнинг энг яхши ҳимоячиси. Энди эса унинг ўрнини тўлдира оладиган бошқа футболчи излашимиз лозим.
Томас Тухель, «Челси» бош мураббийи
Изоҳ (0)