Futbol bo‘yicha Osiyo Chempionlar Ligasining 5-turida “Paxtakor” 22-aprel, juma kuni “Sepaxon”ga qarshi bahs olib bordi.
Uchrashuvning birinchi bo‘limida darvozalar daxlsiz qoldi, jamoalar tanaffusga 0:0 hisobida yo‘l oldi.
Ikkinchi 45-daqiqalikda tomonlar umumiy hisobda 3 ta gol urishga muvaffaq bo‘ldi. 76-daqiqada Sajad Shahbozzoda hisobni ochgan bo‘lsa, oradan 3 daqiqa o‘tib, Hojiakbar Alijonov muvozanatni tikladi. Uchrashuvga qo‘shib berilgan daqiqalarda Sajad yana bir marta o‘z nomini tabloga yozdirib qo‘yib, Eron klubiga g‘alaba keltirdi.
“Paxtakor” guruhdan chiqish imkoniyatini saqlab qolish uchun mazkur o‘yinda faqat g‘alaba qozonishi kerak edi. Shu tariqa “sherlar” ushbu mag‘lubiyatdan keyin 6-turda faqat rasmiyatchilik uchun maydonga chiqadigan bo‘ldi. Hisobida 3 ochko bo‘lgan “Paxtakor” har qanday holatda guruh bosqichini oxirgi o‘rinda yakunlaydi.
OChL
5-tur bahsi
22-aprel, juma
“Sepaxon” (Eron) – “Paxtakor” (O‘zbekiston) 2:1
Gollar: 1:0 — 76 Sajad, 1:1 — 79 Alijonov, 2:1 — 93 Sajad.“Sepaxon”: 45.Rashid Mazahiri, 2.Muhammad Nejad Mehdi, 30.Georgiy Gvelesiani, 11.Danial Esmailifar, 19.Omid Nor Akfan, 21.Said Muhammad Karimi, 17.Jaloliddin Ali Muhammadi, 10.Farshod Ahmadzoda (20.Milod Jahoni, 58), 7.Said Hussayni (9.Sajad Shahbozzoda, 67), 80.Yasin Salmoni (73.Surush Rafei, 58), 70.Shahriyor Moghanlo.
“Paxtakor”: 35.Sanjar Quvvatov, 3.Hojiakbar Alijonov, 5.Aleksey Larin, 23.Sherzod A’zamov, 34.Farrux Sayfiyev, 7.Odiljon Hamrobekov, 8.Azizbek Turg‘unboyev (46.Shahriyor Jabborov, 90+2), 11.Sardor Rashidov (42.Abbosbek Fayzullayev, 73), 18.Hojimat Erkinov, 27.Sardor Sobirxo‘jayev, 14.Oliver Sharkich.
Ogohlantirishlar: Farshod Ahmadzoda (40), Sardor Sobirxo‘jayev (44), Odiljon Hamrobekov (74), Sherzod A’zamov (83).
Izoh (0)