Футбол бўйича Осиё Чемпионлар Лигасининг 5-турида «Пахтакор» 22 апрель, жума куни «Сепахон»га қарши баҳс олиб борди.
Учрашувнинг биринчи бўлимида дарвозалар дахлсиз қолди, жамоалар танаффусга 0:0 ҳисобида йўл олди.
Иккинчи 45-дақиқаликда томонлар умумий ҳисобда 3 та гол уришга муваффақ бўлди. 76-дақиқада Сажад Шаҳбоззода ҳисобни очган бўлса, орадан 3 дақиқа ўтиб, Ҳожиакбар Алижонов мувозанатни тиклади. Учрашувга қўшиб берилган дақиқаларда Сажад яна бир марта ўз номини таблога ёздириб қўйиб, Эрон клубига ғалаба келтирди.
«Пахтакор» гуруҳдан чиқиш имкониятини сақлаб қолиш учун мазкур ўйинда фақат ғалаба қозониши керак эди. Шу тариқа «шерлар» ушбу мағлубиятдан кейин 6-турда фақат расмиятчилик учун майдонга чиқадиган бўлди. Ҳисобида 3 очко бўлган «Пахтакор» ҳар қандай ҳолатда гуруҳ босқичини охирги ўринда якунлайди.
ОЧЛ
5-тур баҳси
22 апрель, жума
«Сепахон» (Эрон) – «Пахтакор» (Ўзбекистон) 2:1
Голлар: 1:0 — 76 Сажад, 1:1 — 79 Алижонов, 2:1 — 93 Сажад.«Сепахон»: 45.Рашид Мазаҳири, 2.Муҳаммад Нежад Меҳди, 30.Георгий Гвелесиани, 11.Даниал Эсмаилифар, 19.Омид Нор Akfaн, 21.Саид Муҳаммад Карими, 17.Жалолиддин Али Муҳаммади, 10.Фаршод Аҳмадзода (20.Милод Жаҳони, 58), 7.Саид Ҳуссайни (9.Сажад Шаҳбоззода, 67), 80.Ясин Салмони (73.Суруш Рафеи, 58), 70.Шаҳриёр Могҳанло.
«Пахтакор»: 35.Санжар Қувватов, 3.Ҳожиакбар Алижонов, 5.Алексей Ларин, 23.Шерзод Аъзамов, 34.Фаррух Сайфиев, 7.Одилжон Ҳамробеков, 8.Азизбек Турғунбоев (46.Шаҳриёр Жабборов, 90+2), 11.Сардор Рашидов (42.Аббосбек Файзуллаев, 73), 18.Ҳожимат Эркинов, 27.Сардор Собирхўжаев, 14.Оливер Шаркич.
Огоҳлантиришлар: Фаршод Аҳмадзода (40), Сардор Собирхўжаев (44), Одилжон Ҳамробеков (74), Шерзод Аъзамов (83).
Изоҳ (0)