“Chelsi” hujumchisi Romelu Lukaku “Milan”ga o‘tishi mumkin.
Goal nashrining xabariga ko‘ra, belgiyalikning “rossonerilar” safiga o‘tishi bir nechta omillarga bog‘liq. Birinchidan, hujumchining hozirgi narxi (taxminan 77 million funt) “Milan” uchun ancha qimmatlik qiladi va xuddi shu narsa futbolchining maoshiga (haftasiga 325 ming funt) ham tegishli. Biroq, “Chelsi”ning yangi xo‘jayinlari xarajatlarni qisqartirishga qaror qilib, Lukakuni pastroq narxga qo‘yib yuborishga rozi bo‘lish ehtimoli bor.
Ikkinchidan, “rossonerilar” Investcorp kompaniyasiga o‘tganidan so‘ng yirik transferlarni amalga oshirish qobiliyatiga ega bo‘ladi. Shunday bo‘lgan taqdirda ham “Milan” Lukakuni xarid qilganidan so‘ng “Chelsi”dan futbolchi maoshining bir qismini to‘lashda davom etishini so‘rashi mumkin.
Lukakuga “Inter” ham befarq emas. Avvalroq belgiyalik futbolchi “nerazzurilar” safidagi davrini sog‘inayotgani va u yerga qaytishni istayotganini aytgan. Bu esa uning “Chelsi” bilan munosabatlariga salbiy ta’sir qilgandi.
Romelu Lukaku 2021/22-yilgi mavsum APLda 21 ta o‘yinda maydonga tushib, 5 ta gol urgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)