“PSJ” hamon Kilian Mbappeni jamoada qolishga ko‘ndirishga harakat qilmoqda.
Marca’ning xabar berishicha, hujumchining onasi “PSJ” akademiyasida to‘p suradigan Kilianning ukase Etan bilan birga Dohaga uchib ketgan. U yerda Mbappening oila a’zolari “PSJ”ning egalari bilan muzokara o‘tkazishi kutilmoqda.
Fransuz klubi Mbappening onasi yangi shartnoma borasidagi muzokaralarda muhim rol o‘ynashi mumkinligiga ishonmoqda. Parij klubi futbolchi bilan shartnomani 2 yilga uzaytirmoqchi.
Shunga qaramasdan “Real” ham Kilianning Madridga o‘tish haqidagi qarori o‘zgarmasligiga umid qilmoqda. Agar 23 yoshli futbolchi madridliklar safiga o‘tsa, “Real” tarixidagi eng ko‘p maosh oladigan futbolchiga aylanadi.
Hujumchining “PSJ” bilan shartnomasi 2022-yil yozida o‘z nihoyasiga yetadi.
Kilian Mbappe 2021/22-yilgi mavsum “PSJ” safida Fransiya chempionatida 30 o‘yinda ishtirok etib, 22 ta gol va 15 ta golli uzatmaga mualliflik qildi.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)