Angliya chempionatining 32-turida “Liverpul” safarda “Manchester Siti”ga qarshi bahs olib bordi va 2:2 hisobida durang o‘ynadi.
“Liverpul” APL doirasida ketma-ket besh o‘yindan beri “Manchester Siti”ni mag‘lub eta olmayapti.
Bu vaqt mobaynida Yurgen Klopp shogirdlari “shaharliklar”ga 2 marta imkoniyatni boy berdi (0:4 va 1:4) va 3 marta durang natija qayd etdi (1:1, 2:2, 2:2).
Mersisaydliklar so‘nggi bor 2019-yil noyabr oyida “Manchester Siti” ustidan 3:1 hisobida g‘alaba qozongan edi.
Yurgen Klopp va Pep Gvardiola o‘zaro 23-marta to‘nash keldi. Har ikkala mutaxassisda to‘qqiztadan g‘alaba mavjud. So‘nggi to‘qnashuvdagi durang natija o‘zaro qarama-qarshilikdaki beshinchisi bo‘ldi.
Ushbu o‘yinlarda Gvardiola jamoasi 43 marta gol urgan bo‘lsa, Klopp jamoasi 39 marta raqiblar darvozasini ishg‘ol qilgan.
Yanada ko‘proq futbol va sport yangiliklaridan boxabar bo‘lishni istasangiz, “Daryo”ning Telegram’dagi rasmiy sport kanali — @Daryo_Sport24’ga obuna bo‘ling!
Izoh (0)