Futbol bo‘yicha Ispaniya La Ligasining 31-turidan o‘rin olgan bir qator uchrashuvlar 10-aprel, yakshanba kuni bo‘lib o‘tdi.
“Barselona” safarda “Levante”ga qarshi o‘yin o‘tkazdi. Uchrashuvda hisob 52-daqiqaga kelib ochildi: mezbonlar vakili Xoche Luis Morales penaltini aniq amalga oshirdi. Oradan to‘rt daqiqa o‘tib, katalonlar darvozasi tomon yana bir 11 metrlik jarima zarbasi belgilandi, biroq undan Roxer Marti unumli foydalana olmadi.
59-daqiqada Pyer-Emerik Obameyang qanotdan uzatilgan to‘pni boshi bilan darvozaga joylab qo‘ydi. Ko‘p o‘tmay Pedri “Barselona”ni hisobda oldinga olib chiqdi.
83-daqiqada Gonsalo Melero yana bir penaltini muvaffaqiyatli amalga oshirdi va mezbonlarning ikkinchi golini urdi. Barchasi durang tomon ketayotganda Lyuk de Yong qo‘shib berilgan daqiqalarda mehmonlarning g‘alaba to‘pini kiritdi.
Ushbu g‘alabadan keyin “Barselona” ochkolarini 60 taga yetkazib, ikkinchi o‘rinni saqlab qoldi. Bitta zaxira o‘yiniga ega kataloniyaliklar peshqadam “Real”dan 12 ochkoga ortda qolmoqda. “Levante” (22) 19-pog‘onada qoldi.
La Liga
31-tur bahslari
10-aprel, yakshanba
“Levante” — “Barselona” 2:3
Gollar: 1:0 – 52, penalti Morales, 1:1 – 59 Obameyang, 1:2 – 63 Pedri, 2:2 – 83, penalti Melero, 2:3 – 90+2 Lyuk de Yong.“Levante”: Kardenas, Miramon, Postigo, Vezu (Kantero, 76), Rober, Son, Kampanya (Melero, 65), Radoya (Bardi, 76), Pepelu, Morales (Pubil, 90), Roxer Marti (Dani Gomes, 65).
“Barselona”: ter Shtegen, Dani Alves (Langle, 81), Arauxo, Erik Garsiya, Alba, Buskets, Frenki de Yong (Gavi, 57), Niko Gonsales (Pedri, 56), Obameyang (Lyuk de Yong, 84), Dembele (Traore, 84), Ferran Torres.
Ogohlantirishlar: Kampanya (11), Arauxo (87).
Izoh (0)