Futbol bo‘yicha Osiyo Chempionlar Ligasining 2-turida “Paxtakor” 10-aprel kuni “At-Ta’vun”ga qarshi bahs olib bordi.
Uchrashuvda hisob 83-daqiqaga kelib ochildi: Ikrom Aliboyevning uzatmasidan keyin Hojimat Erkinov raqib darvozaboni bilan birga-bir vaziyatga chiqib bordi va o‘yin taqdirini hal qilgan golga muallif bo‘ldi. “Sherlar” ikkinchi golni ham urishi mumkin edi, biroq Erkinov so‘nggi daqiqalarda bo‘sh darvoza tomon ketayotgan vaqtda Rayan al-Musa tomonidan to‘xtatib qolindi. Natijada saudiyaliklar sardori to‘g‘ridan-to‘g‘ri qizil kartochkaga loyiq ko‘rildi.
D guruhidagi boshqa o‘yinda “Ad-Duhayl” “Istiqlol”ni minimal hisobda taslim etdi.
Ikkinchi turdan keyin guruhdagi barcha jamoada uch ochkodan mavjud.
OChL
2-tur bahslari
10-aprel, yakshanba
“At-Ta’vun” Saudiya Arabistoni — “Paxtakor” O‘zbekiston 0:1
Gol: 0:1 – 83 Erkinov.“At-Ta’vun”: Mutaz Abdulrahmon, Zeyd Bakir, Leandre Kana, Tariq Abdulloh, Sumayhan Daydan (Hassan al-Amri, 59), Ashraf al-Mahdudi, Saad Yaslam Balobaid, Mustafo Muhammad (Navaf Sufyon, 77), Rayan al-Musa, Navaf as-Subhi, Ibrohim al-Haza (Faysal Mutairi, 59).
“Paxtakor”: Eldor Suyunov, Hojiakbar Alijonov, Aleksiy Larin, Sherzod A’zamov, Farrux Sayfiyev, Sardor Sobirxo‘jayev, Odil Hamrobekov, Aziz Turg‘unboyev (Hojimat Erkinov, 68), Dragan Cheran, Sardor Rashidov (Jasurbek Yoqubov, 90+2), Oliver Sharkich (Ikrom Aliboyev, 68).
Ogohlantirishlar: Cheran (44), Ikrom Aliboyev (88), A’zamov (90).
Chetlatish: Rayan al-Musa (90+8)
Izoh (0)