Futbol bo‘yicha Italiya A Seriyasining 32-turidan o‘rin olgan qator o‘yinlar 10-aprel, yakshanba kuni bo‘lib o‘tdi.
“Roma” o‘z uyida “Salernitana”ni qabul qildi. Uchrashuvning 22-daqiqasida Ivan Radovanovich jarima zarbasini aniq ijro etgan holda mehmonlarni hisobda oldinga olib chiqdi.
Bunga rimliklar o‘yinning so‘nggi daqiqalarida javob qaytara oldi. 82-daqiqada Karles Peres uzoq masofadan darvozani aniq nishonga oldi. Oradan uch daqiqa o‘tib Kris Smolling jarima zarbasidan uzatilgan to‘pni darvozaga joylab qo‘ydi.
Ushbu g‘alabadan keyin “Roma” ochkolarini 57 taga yetkazib oldi va beshinchi o‘ringa qaytdi. “Salernitana” (16) so‘nggi pog‘onadan joy olgan.
“Napoli” Neaopolda “Fiorentina”ni mehmon qildi. 5 ta gol urilgan o‘yinda florensiyaliklar g‘alabaga erishdi. Bu mag‘lubiyat tufayli “Napoli” birinchi o‘ringa ko‘tarilib olish imkoniyatini boy berdi.
“Atalanta” safarda “Sassuolo”ga yutqazib qo‘ydi. “Latsio” esa Genuyada yirik g‘alabaga erishdi.
A Seriya
32-tur bahslari
10-aprel, yakshanba
“Roma” – “Salernitana” 2:1
Gollar: 0:1 – 22 Radovanovich, 1:1 – 81 Karles Peres, 2:1 – 85 Smolling.“Roma”: Ruy Patrisiu, Karsdorp, Smolling, Kumbula (Zaniolo, 46), Rojer, Mxitaryan, Serjiu Oliveyra (Shomurodov, 68), Kristante (Veretu, 75), Abraham, Afena-Gyan (Karles Peres, 68), ash-Shaaravi (Zalevski, 68).
“Salernitana”: Sepe, Matssokki (Yaroshinski, 74), Radovanovich, Domber, Ranyeri (Dregushin, 60), Obi (Zortea, 65), Kulibali, Bohinen (Kastanos, 65), Ederson, Riberi (Verdi, 75), Jurich.
Ogohlantirishlar: Bohinen (13), Kumbula (21), Jurich (30), Domber (41), Kristante (54), Riberi (67), Sepe (71), Kastanos (75), Mxitaryan (80), Zortea (81), Radovanovich (90), Abraham (90), Ruy Patrisiu (90+3).
“Napoli” – “Fiorentina” 2:3
Gollar: 0:1 – 29 Gonsales, 1:1 – 58 Mertens, 1:2 – 66 Ikone, 1:3 – 72 Artur, 2:3 – 84 Osimhen.“Napoli”: Ospina, Zanoli, Kulibali, Rrahmani, Mariu Ruy (Gulyam, 86), Lobotka (Demme, 80), Zelinski, Fabian Ruis (Mertens, 56), Insinye (Elmaz, 80), Politano (Losano, 46), Osimhen.
“Fiorentina”: Terrachchano, Venuti, Igor Julio (Martines, 86), Milenkovich, Biragi, Dankan (Male, 65), Amrabat, Kastrovilli, Saponara (Ikone, 65), Artur (Kokorin, 86), Gonsales (Kalyexon, 85).
Ogohlantirishlar: Milenkovich (11), Artur (73), Ikone (88).
Izoh (0)