Futbol bo‘yicha Angliya Premyer Ligasining 32-turida “Manchester Siti” va “Liverpul” jamoalari 10-aprel, yakshanba kuni o‘zaro to‘qnash keldi.
Uchrashuvning 5-daqiqasidayoq Kevin de Bryuyne “shaharliklar”ni oldinga olib chiqdi. Oradan ko‘p o‘tmay Diogu Jota muvozanatni tiklashga erishdi. 36-daqiqada Gabriel Jezus maydon egalarining hujumini gol bilan yakunladi.
Ikkinchi bo‘lim debyutida Sadio Mane Muhammad Saloh tomonidan uzatib berilgan to‘pni raqib darvozasiga joylab, yana o‘rtadagi farqni yo‘qqa chiqardi. Qolgan vaqtda hisob o‘zgarmadi.
Ushbu durangdan keyin “Manchester Siti” 74 ochko bilan birinchi o‘rinda qoldi, “Liverpul” esa 73 ochko bilan ikkinchi pog‘onada bormoqda.
APL musobaqa jadvali, o‘yinlar taqvimi va to‘purarlar ro‘yxati shu yerda — ko‘rish.
APL
32-tur bahslari
10-aprel, yakshanba
“Manchester Siti” – “Liverpul” 2:2
Gollar: 1:0 – 5 de Bryuyne, 1:1 – 13 Diogu Jota, 2:1 – 36 Gabriel Jezus, 2:2 – 46 Mane.“Manchester Siti”: Ederson, Uoker, Stounz, Laport, Joau Kanselu, de Bryuyne, Bernardu Silva, Rodri, Foden, Sterling (Mahrez, 75), Gabriel Jezus (Grilish, 83).
“Liverpul”: Alisson, Aleksander-Arnold, Matip, van Deyk, Robertson, Henderson (Keyta, 78), Tiago Alkantara, Fabinyo, Saloh, Mane (Firmino, 84), Diogu Jota (Dias, 70).
Ogohlantirishlar: Robertson (28), Bernardu Silva (40), Tiago Alkantara (61), Fabinyo (83), van Deyk (89), de Bryuyne (90+1).
Izoh (0)