O‘zbekistonda 2021-yilning yanvar—dekabr oylarida 98,8 ming nafar ishsizga 87,1 milliard so‘m ishsizlik nafaqasi tayinlandi. Bu haqda Bandlik va mehnat vazirligi xabar qildi.
Qayd etilishicha, 2021-yil davomida 37,3 ming ishsizlar, jumladan, “ayollar daftari”, “yoshlar daftari”ga kiritilgan shaxslarga 83,1 milliard so‘m subsidiya mablag‘lari ajratilgan. Jumladan, tadbirkor sifatida davlat ro‘yxatidan o‘tkazish, asbob-uskuna, mehnat qurollarini xarid qilish, “Hunarmand” uyushmasiga a’zolik badali xarajatlarini qoplash uchun 6 ming 781 nafar fuqarolarga 4,8 milliard so‘m ajratilgan.
Shuningdek, shaxsiy va dala tomorqasida issiqxona, ekishga urug‘lar va ko‘chatlar hamda sug‘orish vositalarini harid qilish uchun 18 ming 608 ta oilaga 52,7 milliard so‘m berilgan. 228 ta ishlab chiqarish kooperativlari tashkil etilib, ularga 9,9 ming nafar ishsizlar biriktirilgan. A’zolik ulushi sifatida 21,8 milliar so‘m subsidiya to‘langan.
2021-yilda jami 506,2 mingta yangi ish o‘rni tashkil etilgan. Prognozga nisbatan 110,7 foizga bajarilgan. Ko‘rsatkich 2020-yilga nisbatan 118,3 foizga o‘sgan, 78,4 mingtaga ko‘p. Shu jumladan, mehnat bozorida talab yuqori bo‘lgan 54 turdagi kasblar, tadbirkorlik ko‘nikmalari va xorijiy tillar bo‘yicha 115,4 ming nafar ishsiz kasb-hunarga o‘qishga jalb etilgan. Ularning asosiy qismi xotin-qizlar (68,4 foiz), yoshlar (54,4 foiz) ulushiga to‘g‘ri kelgan.
Avvalroq O‘zbekistonda 2022-yilning 1-yanvar holatiga ko‘ra ishsizlik darajasi 9,6 foizni tashkil etgani xabar qilingandi (draftda). Qayd etilishicha, ko‘rsatkich o‘tgan yilning shu davriga nisbatan 0,9 foizga kamaygan.
Eslatib o‘tamiz, 2022-yilda kasbga o‘qitish ko‘lamini 2 barobar oshirish va 2022—2026-yillarda 1 million ishsizni kasbga o‘qitish rejalashtirilgan. Xotin-qizlarni kasb-hunarga o‘qitish 2 baravarga oshirilib, yiliga 80 mingga yetkaziladi.
Izoh (0)