O‘zbekistonning qator hududlarida 8—16-mart kunlari kutilayotgan yog‘ingarchilik sababli qor ko‘chish xavfi e’lon qilindi. Bu haqda Favqulodda vaziyatlar vazirligi xabar qildi.
Qayd etilishicha, respublikaning tog‘li hududlarida, jumladan, quyidagi viloyatlarda xavf e’lon qilingan:
- Qashqadaryo viloyati: Kitob, Shahrisabz, Qamashi, Dehqonobod tumanlarida;
- Surxondaryo viloyati: Qumqo‘rg‘on, Sariosiyo, Uzun, Boysun, Sherobod tumanlarida;
- Samarqand viloyati: Qo‘shrabot, Payariq, Nurobod, Samarqand, Urgut, Bulung‘ur tumanlarida;
- Jizzax viloyati: Forish, G‘allaorol, Zomin, Baxmal tumanlarida;
- Toshkent viloyati: Parkent, Ohangaron. Bo‘stonliq tumanlarida;
- Namangan viloyati: Chust, Pop tumanlarida;
- Farg‘ona viloyati: So‘x, Farg‘ona tumanlarida.
Eslatib o‘tamiz, “O‘zgidromet” 5—9-mart kunlari kutilayotgan kuchli yomg‘irlar yog‘ishi sababli respublikaning tog‘oldi va tog‘li hududlarida sel xavfidan ogohlantirgandi. O‘zbekistonning 9 ta viloyatida sel kelish xavfi e’lon qilingan.
Shuningdek, Chimyon hududida ham 5-martdan 16-martga qadar qor ko‘chkisi xavfi mavjud bo‘ladi.
Izoh (0)