Toshkentda Gentra va YPX xodimi boshqaruvidagi Lacetti ishtirokida yo‘l-transport hodisasi sodir bo‘ldi, deya xabar qilmoqda YHXX.
Qayd etilishicha, 2022-yil 4-mart kuni soat 23:00 larda Toshkent shahri Yakkasaroy tumani KHAY ko‘chasida YPX xodimi A.R. (1995-yilda tug‘ilgan) Lacetti maxsus xizmat avtomobilida to‘xtash ishorasiga bo‘ysunmagan Spark haydovchisini ortidan kuzatib ketayotgan vaqtda, maxsus tovush chiqaruvchi qurilmadan foydalangan holda svetoforning taqiqlovchi qizil chirog‘ida harakatlangan.
Haydovchi qoidalarning 25-bandida belgilangan talabga rioya qilmagan. Ya’ni tovush chiqaruvchi qurilma bilan birgalikda yorituvchi mayoqchalarni yoqmagan hamda unga yo‘l berilayotganiga ishonch hosil qilmasdan harakatlangan va svetoforning yashil chirog‘ida harakatlanib kelayotgan M.M. (1995-yilda tug‘ilgan) boshqaruvida bo‘lgan Lacetti rusumli avtomobil bilan to‘qnashgan.
To‘qnashuv sabab haydovchi M.M. boshqaruvidagi Lacetti avtomobili ag‘darilgan.
YTH oqibatida haydovchi M.M. boshqaruvidagi Lacetti rusumli avtomobil yo‘lovchisi F.A. (1997-yilda tug‘ilgan) tan jarohati bilan shifoxonaga olib ketilgan.
Mazkur YTH yuzasidan Yakkasaroy tuman prokuraturasi tomonidan surishtiruv harakatlari olib borilmoqda.
Izoh (0)