Janubiy Koreyadagi prezidentlik saylovlari uchun o‘tkazilayotgan saylovoldi tashviqotlari paytida noma’lum shaxs hukmron partiya rahbari Son Yen Gilga hujum qildi. Boshidan jarohat olgan siyosatchi kasalxonaga yotqizildi, deb yozmoqda Reuters.
Kampaniyani jonli efirda uzatgan YouTube-kanalidagi videoga ko‘ra, siyosatchining boshiga bolg‘aga o‘xshash kichik asbob bilan urilgan, unga Koreya milliy kiyimini kiygan erkak orqadan hujum qilgan.
Partiya rasmiylari Sonning ahvoli barqaror ekanini va qo‘lga olingan hujumchi politsiyaga topshirilganini ma’lum qilgan.
2021-yilning iyun oyida Fransiya prezidenti Emmanuel Makronning mamlakat bo‘ylab safari chog‘ida noma’lum kishi uning yuziga tarsaki tushirgandi. Sentabr oyida esa Lion ko‘rgazmasiga tashrif buyurgan Makronga tuxum uloqtirishgan.
Shuningdek, Kanada bosh vaziri Jastin Tryudo po‘lat zavodidagi mitingda toshbo‘ron qilingani haqida xabar berilgandi.
Izoh (0)