AQSh Kongressi Vakillar palatasi “Rossiya va Belarus bilan normal savdo munosabatlari”ni bekor qilishni nazarda tutuvchi qonun loyihasini o‘rganib chiqmoqda. Bu haqda palata spikeri Nensi Pelosiga tayanib, Reuters xabar berdi.
Ma’lum qilinishicha, hujjat bilan Rossiyadan neft va boshqa energiya tashuvchilar importini taqiqlash hamda Rossiyani Jahon savdo tashkilotidan (JST) chiqarib yuborish bo‘yicha “dastlabki qadam” taklif etilmoqda. Shuningdek, Ukrainaga 10 milliard dollar yordam ajratilishi mumkin.
“Vakillar palatasi hozirda Rossiyani jahon iqtisodiyotidan yanada yakkalatib qo‘yadigan qattiq qonunchilikni joriy etish imkoniyatlarini o‘rganmoqda”, — deydi Pelosi.
Rossiya prezidentining matbuot kotibi Dmitriy Peskov AQShda Rossiya neftini xarid qilishga taqiq qo‘yish muhokama qilinayotgani to‘g‘risidagi xabarlarga izoh berar ekan, bu dunyo energetika bozorlarining ishida anglashilmovchiliklarni yuzaga keltirishi mumkinligini aytgan. Kreml “vaziyatning rivojlanishini diqqat bilan kuzatmoqda”.
7-mart holatiga ko‘ra, Brent markali neftning narxi barreli uchun 139 dollardan oshgan. Hozirda u ICR bozorida 128 dollar (+8,2 foiz) darajasida sotilmoqda.
Avval Yevroittifoq Rossiyaga qarshi yangi sanksiyalarni e’lon qildi: ayrim banklar SWIFT tizimidan uziladi, Markaziy bank aktivlari esa “falajlantirilishi”, Yevropa Ittifoqi Rossiyaning 7 ta bankini SWIFT tizimidan uzib qo‘yilgani, Rossiyaning sanksiyaga uchragan banklari Visa va Mastercard kartalarini chiqara olmasligi haqida xabarlar berilgan.
Rossiya—Ukraina urushiga oid tezkor, ishonchli yangiliklar va ma’lumotlarni “Daryo”ning Live sahifasi orqali kuzatib boring → @Daryo_Live
Izoh (0)