Жанубий Кореядаги президентлик сайловлари учун ўтказилаётган сайловолди ташвиқотлари пайтида номаълум шахс ҳукмрон партия раҳбари Сон Ен Гилга ҳужум қилди. Бошидан жароҳат олган сиёсатчи касалхонага ётқизилди, деб ёзмоқда Reuters.
Кампанияни жонли эфирда узатган YouTube-каналидаги видеога кўра, сиёсатчининг бошига болғага ўхшаш кичик асбоб билан урилган, унга Корея миллий кийимини кийган эркак орқадан ҳужум қилган.
Партия расмийлари Соннинг аҳволи барқарор эканини ва қўлга олинган ҳужумчи полицияга топширилганини маълум қилган.
2021 йилнинг июнь ойида Франция президенти Эммануэль Макроннинг мамлакат бўйлаб сафари чоғида номаълум киши унинг юзига тарсаки туширганди. Сентябрь ойида эса Лион кўргазмасига ташриф буюрган Макронга тухум улоқтиришган.
Шунингдек, Канада бош вазири Жастин Трюдо пўлат заводидаги митингда тошбўрон қилингани ҳақида хабар берилганди.
Изоҳ (0)