Samarqand viloyatining sobiq prokurori Ravshan Masharipov Jizzax viloyatining Zarbdor tumaniga prokuror etib tayinlandi, deya xabar berdi “Daryo” muxbiri.
Xabarni tasdiqlagan Bosh prokuratura axborot xizmati rahbari Hayot Shamsutdinov Zarbdorga bosh prokurorning 2022-yil 15-fevraldagi buyrug‘iga asosan adliya katta maslahatchisi Masharipov Ravshan Rajabboyevich prokuror etib tayinlanganini ma’lum qildi.
Zarbdor tumanida ayni paytda Qashqadaryo viloyatining sobiq hokimi Zafar Ro‘ziyev rahbarlik qilmoqda. U 2013-yildan 2019-yilgacha Qashqadaryo viloyatida hokimlik qilgan.
Zarbdorda ish boshlagan Samarqandning sobiq prokurori Ravshan Masharipov esa Samarqand viloyatiga 2020-yilning 11-oktabr kuni prokuror etib tayinlangan bo‘lib, ushbu lavozimda 2022-yilning 15-fevraliga qadar faoliyat yuritgan.
Izoh (0)