Futbol bo‘yicha Ispaniya Kubogi 1/8 finalidan o‘rin olgan “Atletik” va “Barselona” jamoalari o‘rtasidagi o‘yin 20-yanvar, payshanba kuni bo‘lib o‘tdi.
Uchrashuvning 2-daqiqasida Iker Muniain hisobni ochdi. 20-daqiqada Ferran Torres muvozanatni tikladi. 86-daqiqada Inigo Martines bilbaoliklarning ikkinchi goliga mualliflik qildi. 90+3-daqiqada Dani Alvesning uzatmasidan so‘ng Pedri gol urdi va hisobni tenglashtirdi.
Qo‘shimcha bo‘limlarda Iker Muniain penaltidan unumli foydalandi va “Atletik”ka g‘alaba keltiruvchi gol muallifiga aylandi.
Shu tariqa “Atletik” chorak final yo‘llanmasiga ega chiqdi. Kataloniyaliklar nimchorak finaldayoq musobaqa bilan xayrashishga majbur bo‘ldi.
Ispaniya Kubogi
1/8 final bahsi
20-yanvar, payshanba
“Atletik” – “Barselona” 3:2
Gollar: 1:0 – 2 Muniain, 1:1 – 20 Ferran Torres, 2:1 – 86 Martines, 2:2 — 90+3 Pedri, 3:2 — 105+1 Muniain“Atletik”: Agirresabala, De Markos (Lekue, 110), Martines, Vivian, Berchiche, Dani Garsiya, Vesga, Raul Garsiya (Berenger, 79), Sanset (Uilyams, 52), Uilyams (Sarraga, 110), Muniain.
“Barselona”: ter Stegen, Pike, Arauxo, Alba, Buskets, Pedri (Breytueyt, 108), Gavi (de Yong, 61), Dani Alves, Jujla (Fati, 61, Dest, 96), Ezzalzuli (Niko Gonsales, 46), Ferran Torres.
Ogohlantirishlar: Dani Garsiya (30), Pike (76), Pedri (97), de Yong (104), de Markos (104), Uilyams (119), Muniain (120).
Izoh (0)