Футбол бўйича Испания Кубоги 1/8 финалидан ўрин олган «Атлетик» ва «Барселона» жамоалари ўртасидаги ўйин 20 январь, пайшанба куни бўлиб ўтди.
Учрашувнинг 2-дақиқасида Икер Муниаин ҳисобни очди. 20-дақиқада Ферран Торрес мувозанатни тиклади. 86-дақиқада Иниго Мартинес билбаоликларнинг иккинчи голига муаллифлик қилди. 90+3-дақиқада Дани Алвеснинг узатмасидан сўнг Педри гол урди ва ҳисобни тенглаштирди.
Қўшимча бўлимларда Икер Муниаин пенальтидан унумли фойдаланди ва «Атлетик»ка ғалаба келтирувчи гол муаллифига айланди.
Шу тариқа «Атлетик» чорак финал йўлланмасига эга чиқди. Каталонияликлар нимчорак финалдаёқ мусобақа билан хайрашишга мажбур бўлди.
Испания Кубоги
1/8 финал баҳси
20 январь, пайшанба
«Атлетик» – «Барселона» 3:2
Голлар: 1:0 – 2 Муниаин, 1:1 – 20 Ферран Торрес, 2:1 – 86 Мартинес, 2:2 — 90+3 Педри, 3:2 — 105+1 Муниаин«Атлетик»: Агирресабала, Де Маркос (Лекуэ, 110), Мартинес, Вивиан, Берчиче, Дани Гарсия, Весга, Рауль Гарсия (Беренгер, 79), Сансет (Уильямс, 52), Уильямс (Саррага, 110), Муниаин.
«Барселона»: тер Стеген, Пике, Араухо, Альба, Бускетс, Педри (Брэйтуэйт, 108), Гави (де Йонг, 61), Дани Алвес, Жужла (Фати, 61, Дест, 96), Эззалзули (Нико Гонсалес, 46), Ферран Торрес.
Огоҳлантиришлар: Дани Гарсия (30), Пике (76), Педри (97), де Йонг (104), де Маркос (104), Уильямс (119), Муниаин (120).
Изоҳ (0)