Futbol bo‘yicha Italiya Kubogining 1/8 finalida “Roma” 20-yanvar, payshanba kuni “Lechche”ni mehmon qildi.
Uchrashuvdagi hisobni kutilmaganda mehmonlar ochdi. Bunga rimliklar 40-daqiqada Marash Kumbulaning goli bilan javob qaytardi. Ikkinchi bo‘lim debyutida Temmi Abraham rimliklarning ikkinchi golini urdi.
62-daqiqada “Lechche” bir o‘yinchi kam bo‘lib qoldi. 64-daqiqada Eldor Shomurodov zaxiradan maydonga tushdi. 81-daqiqada Shomurodov jamoasining tezkor hujumini gol bilan yakunladi va yakuniy hisobni o‘rnatdi.
Ushbu g‘alaba evaziga “bo‘rilar” chorak final yo‘llanmasini qo‘lga kiritdi. Avvalroq “Inter”, “Sassuolo”, “Yuventus”, “Latsio”, “Milan”, “Fiorentina” va “Atlanta” chorak final masalasini hal qilgandi.
Italiya Kubogi
1/8 final bahsi
20-yanvar, payshanba
“Roma” — “Lechche” 3:1
Gollar: 0:1 – 15 Kalabrezi, 1:1 – 40 Kumbula, 2:1 – 54 Abraxam, 3:1 – 81 Shomurodov.“Roma”: Ruy Patrisiu, Karsdorp, Kumbula, Rojer, Meytlend-Naylz (Vinya, 46), Serjiu Oliveyra, Veretu (Zaniolo, 46), Kristante, Abraham (Zalevski, 86), Karles Peres (Mxitaryan, 46), Afena-Gyan (Shomurodov, 64).
“Lechche”: Bleve (Gabriel, 21), Jandre, Dermaku (Luchoni, 46), Kalabrezi, Barreka, Listkovski (Farago, 65), Blen, Garjulo, Helgason (Berkengren, 68), Olivyeri, Di Mariano (Koda, 46).
Ogohlantirishlar: Listkovski (12), Afena-Gyan (38), Helgason (44), Di Mariano (45), Garjulo (60), Rojer (71), Abraham (76).
Chetlatish: Garjulo (62).
Izoh (0)