Futbol bo‘yicha Angliya Liga Kubogining yarim final bosqichidan o‘rin olgan o‘yinda “Arsenal” va “Liverpul” jamoalari 20-yanvar, payshanba kuni o‘zaro bahs yuritdi.
Uchrashuvning 19 va 77-daqiqalarida Diogu Jota gol urdi hamda mersisaydliklarning 2:0 hisobidagi g‘alabasiga hissa qo‘shdi. Yurgen Klopp shogirdlari final yo‘llanmasini qo‘lga kiritdi.
Jamoalar o‘rtasidagi yarim finalning dastlabki o‘yinida nursiz durang qayd etilgandi.
Liga Kubogi finalida “Liverpul” Londonning “Chelsi” jamoasi bilan to‘qnash keladi. Tomas Tuxel shogirdlari yarim finalda “Tottenhem”ni mag‘lub etib, finalga chiqqan edi.
Angliya Liga Kubogi
Yarim final bahsi
20-yanvar, payshanba
“Arsenal” — “Liverpul” 0:2
Gollar: 0:1 – 19 Diogu Jota, 0:2 – 77 Diogu Jota.“Arsenal”: Remsdeyl, Tomiyasu, Gabriel, Uayt, Tirni, Saka, Edegor, Lokonga, Smit-Rou (Parti, 74), Lyakazett (Nketia, 74), Martinelli.
“Liverpul”: Kellexer, Aleksander-Arnold, Matip (Konate, 46), van Deyk, Robertson, Henderson (Milner, 75), Fabinyo, Jons, Firmino (Uilyams, 84), Diogu Jota, Gordon (Minamino, 63).
Ogohlantirishlar: Lyakazett (44), Tomiyasu (56), Konate (63), Jons (82), Partey (87), Minamino (90+1).
Chetlatish: Parti (90).
Izoh (0)