Tonga orollari kuchli vulqon otilishi va sunamidan jiddiy zarar ko‘rdi, oroldagi butun bir qishloq vayron bo‘ldi, deb yozmoqda Reuters.
“Odamlar vahimada tabiiy ofatdan qochmoqda, jarohatlar olmoqda. Qurbonlar soni ko‘proq bo‘lishi mumkin, biz bunday bo‘lmasligini so‘rab ibodat qilyapmiz”, — dedi Avstraliyadagi Tonga missiyasi rahbarining o‘rinbosari Kertis Tuixalangi.
Tonga politsiyasi uch kishining o‘limini tasdiqladi. Mamlakatda aloqa uzilgani tufayli qurbonlarning haqiqiy soni noma’lum.
Avstraliyaning Tinch okeani bo‘yicha vaziri Zed Seselyaning aytishicha, Tonga rasmiylari izolyatsiyadagi Xaapay orollari guruhi va boshqa chekka orollardan odamlarni evakuatsiya qila olishga umid qilmoqda.
Tinch okeanida suvosti vulqoni otilganidan so‘ng Tonga poytaxti Nukualofani qisman suv bosgani haqida xabar berilgandi. Mamlakat qiroli Tupou VI qarorgohidan evakuatsiya qilingan.
Izoh (0)